ஒலிபெயர்ப்பைப் பயன்படுத்துவதற்கு முதலில் உள்ளீட்டு கருவியை இயக்க வேண்டும். தேடல், Gmail, Google இயக்ககம், Youtube, மொழியாக்கம், Chrome மற்றும் Chrome OS ஆகியவற்றில் உள்ளீட்டு கருவியை இயக்குவதற்குப் பின்வரும் வழிமுறைகளைப் பின்பற்றவும்.

ஒலிபெயர்ப்பானது, ஐப் போன்று மொழியிலிருக்கும் எழுத்தால் குறிப்பிடப்படுகிறது. நடப்பு ஒலிபெயர்ப்பை இயக்கு/முடக்கு என்பதற்கு இடையில் மாற ஐகானைக் கிளிக் செய்யவும் அல்லது வேறொரு உள்ளீட்டு கருவியைத் தேர்ந்தெடுக்க இதற்கு அடுத்துள்ள அம்புக்குறியைக் கிளிக் செய்யவும். ஒலிபெயர்ப்பு இயக்கப்படும்போது, பொத்தான் ஆனது அடர் சாம்பல் நிறமாக மாறும்.

ஒலிபெயர்ப்பைப் பயன்படுத்தும்போது, வார்த்தையை ஒலிப்பு முறையில் லத்தீன் எழுத்துகளில் தட்டச்சு செய்யவும். தட்டச்சு செய்யும்போதே, ஒலிப்புமுறை எழுத்துடன் பொருந்தும் வார்த்தை பரிந்துரைகளின் பட்டியலைக் காண்பீர்கள். பின்வரும் செயல்களைச் செய்து பட்டியலிலிருந்து வார்த்தையைத் தேர்வுசெய்யலாம்:

• முதல் பரிந்துரையைத் தேர்ந்தெடுக்க SPACE அல்லது ENTER ஐ அழுத்தவும்,
• வார்த்தையில் கிளிக் செய்யவும்,
• வார்த்தைக்கு அடுத்துள்ள எண்ணை உள்ளிடவும்,
• பக்கத்தில் உள்ள பரிந்துரைகளின் பட்டியலை UP/DOWN அம்புக்குறிகள் மூலம் வழிசெலுத்தவும். PAGEUP/PAGEDOWN விசைகள் மூலம் பக்கங்களைத் திருப்பலாம். தனிப்படுத்திய வார்த்தைகளைத் தேர்ந்தெடுக்க SPACE அல்லது ENTER ஐ அழுத்தவும்